Денеска СДСМ го одржа 32. Конгрес под мотото „Твоја држава – твоја шанса“. Претседателот Венко Филипче истакна дека конгресот е нивната „нова одговорност и нов морален завет е кон секој работник, секој млад човек и секое семејство што се бори со високите цени, ниските плати и неизвесноста.“
„Новата идеолошка платформа на СДСМ нуди јасна социјалдемократска алтернатива: фер оданочување, повисоки плати, правда за работниците, борба против скапотијата, силни антикорупциски механизми и нови можности за младите.
Правда наместо привилегии, солидарност наместо страв, заштита на трудот и силни институции наместо партиска држава.
Денес граѓаните живеат со инфлација од 5,7%, помалку работни места и намалени инвестиции. Наместо решенија, добиваат ПР. Наместо сигурност, неизвесност. Корупцијата цвета, институциите се злоупотребуваат, а демократијата и владеењето на правото се под постојан притисок.
Македонија заслужува повеќе. Европа јасно порача дека проширувањето е живо, а ние немаме право повторно да останеме во чекалната. Возовите во политиката не се фаќаат со оправдувања, туку со одлуки. Европскиот пат значи подобар живот, повисоки плати, подобро здравство, поквалитетно образование и владеење на правото. СДСМ и денес е на страната на работникот, младите, правдата и европската иднина на Македонија,“ вели Филипче.
Фото/СДСМ
