Од ноќеска на полноќ, цената на бензините Еуросупер БС-95 и Еуросупер БС-98 се зголемува за еден денар, одлучи денеска Регулаторната комисија за енергетика, водни услуги и услуги за управување со комунален отпад (РКЕ).
Новата цена на бензинот Еуросупер БС-95 ќе биде 74,5 денари за литар, а на Еуросуперот БС-98, 76,5 денари за литар.
Цената на Еуродизелот БС (Д-Е V) останува иста и тој понатаму ќе се продава за 71 денари за литар.
Иста останува и цената на Екстра лесното масло (ЕЛ-1), 70 денари за литар.
Цената на Мазутот М-1 НС се зголемува за 1,022 денари и ќе изнесува 35,542 денари за килограм.
ПОВРЗАНИ ВЕСТИ
Цените на нафтата и златото почнаа да растат, светските берзи во црвено
Фото: Унсплеш
