Со реконструкцијата на улицата „Самарџиска“ денеска започна реконструкција на Старата скопска чаршија.
Со истата ќе биде опфатена површина од 1.567 метри квадратни, а ќе чини 28.750.591,44 денари или околу 470 илјади евра.
Реконструкцијата предвидува реставрација на калдрмата со травертински камен, модернизација на подземната инфраструктура, вклучувајќи водовод, канализација, електрична мрежа и оптичка инфраструктура, како и поставување на ново осветлување во традиционален стил, уредување на пешачките површини и поставување урбана опрема.
Проектот е на Министерството за култура и туризам, Владата и Општина Чаир.
Ќе го изведува фирмата Ленди груп.
Фото: МКТ
