Од Европската комисија (ЕК) информираа дека ќе побараат одобрение од Европскиот совет за отворање преговори со земји од Западен Балкан за укинување на роамингот, а оваа се однесува и на Македонија.
Откако ќе добие овластување, ЕК за укинувањето на роамингот ќе преговара посебно со секоја од шестте земји од Западен Балкан.
Укинувањето на роамингот ќе значи дека за повици и текстуални пораки низ целата Европска унија (ЕУ) ќе плаќаме како да сме во Македонија.
Идејата за воведување на системот на ЕУ „роаминг како дома“ со земјите од Западен Балкан е од 2014 година.
Главниот услов да се воведе овој систем за Македонија е да се приспособи Европскиот комуникациски код во нашиот Закон за електронски комуникации заедно со уште четири други регулативи: две од 2016 година, една од 2018-2019 и една од 2022 година.
