Кумановец на 35 годишна возраст е уапсен откако два дена против негова волја во неговиот дом држел познаник и го принудувал на секс и користење дрога.
Како што информираа од Министерството за внатрешни работи (МВР) станува збор за Д.П., кој бил уапсен вчера.
Тој се сомничи дека од 23 часот на 29. мај до 7 часот на 31. мај со употреба на сила држел 36-годишен маж од Куманово.
Во тој период тој повеќепати физички го нападнал мажот и го принудувал орално да го задоволува, како и да користи дрога.
Кај осомничениот полицијата пронашла и одзела марихуана, мобилен телефон со остатоци од бела прашкаста материја и други предмети за кои постои сомение дека се поврзани со кривичното дело.
Осомничениот е задржан во полициска станица. За него ќе биде поднесена соодветна кривична пријава.
