Претседателот на Европскиот совет Шарл Мишел доаѓа посета на Македонија.
Мишел во „Вила Билјана“ во Охрид ќе се сретне со претседателот на државата Стево Пендаровски.
Како што соопштија од Kабинетот на претседателот, Пендаровски и Мишел ќе имаат тет-а-тет средба, по што ќе одржат заедничка прес-конференција.
Мишел кој е во мини балканска турнеја, ќе биде гостин на вториот Преспа форум за дијалог што ќе се одржи во Охрид од утре до 18 јуни во организација на Владата.
Форумот ќе го отвори Пендаровски, а на првата сесија на високо ниво според најавите ќе говорат и претседателите на Слованија, Борут Пахор, на Хрватска, Зоран Милановиќ, на Косово, Вјоса Османи – Кадриу и претседателот на Црна Гора, Мило Ѓукановиќ.
Пред да ја посети земјава Мишел беше во посета на Босна и Херцеговина, Црна Гора и Косово.
Фото: Кабинет на претседателот