(Видео) Мицкоски во Минхен се сретна со Зеленски

Македонскиот премиер Христијан Мицкоски, во Минхен, Германија, во рамки на Минхенскиот безбедносен форум, вчера се сретна со претседателот на Украина, Володимир Зеленски.

За средбата Мицкоски информираше на Фејсбук и напиша дека двајцата разговарале за “актуелните безбедносни предизвици во Европа, за потребата од единство и солидарност, но пред сè за праведен мир“.

-Веруваме дека мирот мора да биде изграден врз правда, почитување на достоинството на народите. Само таков мир носи стабилност и сигурна иднина за Европа, пишува Мицкоски.

Двајцата разговарале и за продлабочување на соработката, економска размена и поддршка во процесите за напредок на државите.

-Напредокот е можен кога има визија, храброст и јасна определба.

Македонија ќе продолжи да биде глас на разумот, партнер на стабилноста и поддржувач на праведниот мир, пишува Мицкоски.

ПОВРЗАНИ ВЕСТИ

Македонија лобирала да го заобиколи првиот кластер, тврди бугарската претседателка, Бугарија немало да го прифати тоа

Македонија е за членство во ЕУ, но заслужува достоинствен и принципиелен процес, му кажал Мицкоски на Кошта во Минхен

(Фото) Кој се е во македонската делегација на Минхенската безбедносна конференција

Фото/видео: Влада