Стартува процедурата за изградбата на третата фаза од пругата кон Бугарија, која е дел од железничкиот Коридор 8.
Истата предвидува и изградба на прекуграничен железнички тунел кој почнува од Крива Паланка и влегува на територијата на Бугарија.
Во овој дел ќе се гради пруга во должина од 22 километри.
Пругата ќе биде едноколосечна железничка линија којашто ќе биде за мешан сообраќај – и за патнички и за товарен транспорт. На истата ќе има 21 тунел со должина од 7,8 километри.
Ќе има и 52 мостови и вијадукти со вкупна должина од околу 5 километри.
Делницата ќе биде целосно електрифицирана.
Истите ќе се градат со грант од Европската унија (ЕУ) од 149 милиони евра, а обезбедени се и 175 милиони евра кредити од Европската инвестициска банка (ЕИБ) и Европската банка за обнова и развој (ЕБОР).
Договорите со нив денеска беа потпишани во Владата.
Следната фаза е да се распише тендер за избор на изведувач.
До крајот на годинава треба да започнат градежните работи.
Фото: Влада
