Во јуни треба повторно да почне со работа комплексот „Македонско село“, кој не функционира речиси седум години, откако претходните концесионери се повлекоа поради финансиски загуби.
Новиот концесионер е фирмата „Ла Тераца“, која имала најповолна понуда, објави 360 степени.
На огласот се јавиле две фирми.
ПОВРЗАНИ ВЕСТИ
Избран концесионерот за комплекс „Македонско село“ во Нерези
Новиот концесионер ќе плаќа месечна кирија од околу 3.500 евра, а според договорот сè што ќе се инвестира ќе остане во сопственост на државата.
Фирмата треба да достави и банкарска гаранција, а доколку планира да инвестира во доградба на објектот ќе треба за тоа да достави барање до Владата.
Комплексот „Македонско село“, кој се наоѓа на падините на Водно, блиску до селото Нерези, се состои од 12 автентични куќи, со простории каде се претставени македонските занаети, делови се користат како хотелски соби, а некои имаат и ресторански дел.
ПОВРЗАНИ ВЕСТИ
Објавен е огласот за закуп на „Македонско село“, од 1. јуни комплексот почнува со работа