„Орбита ИНВ“ е нов сопственик на Топланата “Скопје Север“, информираа од Топланата преку Македонската берза.
Како што стои во самата информација новиот сопственик е друштво од областа на издавачка дејност, градежништво, трговија и услуги.
„Кај Друштвото за снабдување со пареа и топла вода Скопје Север АД Скопје е направена промена во сопственичката структура во капиталот на друштвото, односно Друштвото за издавачка дејност, градежништво, трговија и услуги Орбита ИНВ ДООЕЛ, на 26. февруари годинава, преку трговска трансакција на Македонската берза се стекна со 77.414 обични акции од издавачот Скопје Север, со што вкупно поседува 99,98 отсто од основната главнина на Друштвото“, информираат од Топланата.
Топлификација АД Скопје повеќе не е акционер во Друштвото.
Топланата беше продадена пред неколку дена на јавна берзанска аукција, по моделот „се или ништо“.
ПОВРЗАНИ ВЕСТИ
Во третиот обид за 350 илјади евра продадена топланата „Скопје Север“
Никој не ги купи 25. акции на Топлификација во ТЕ-ТО