еМагазин
Image default
БАШ НИ Е ЌЕФ

Бимилк во Битола го носи д-р Ранко Рајовиќ за да го одбележи Светскиот ден на семејството

На 15. мај, по повод одбележувањето на Светскиот ден на семејството, Бимилк е домаќин на ексклузивен настан посветен на нејзините вработени-родители на деца до 12 годишна возраст, како и за психолозите, педагозите и дефектолозите во битолските предучилишни и училишни установи, информираат од таму.

Настанот, кој ќе се одржи во дворот на Бимилк, ќе биде еднодневен семинар предводен од д-р Ранко Рајовиќ, познат експерт за детски развој и основач на системот за учење „NTC“ (Никола Тесла Центар).

Експертизата на д-р Рајовиќ за стимулирање на интелектуалните способности на децата му донесе признание низ целиот регион, а неговите сознанија за методите на воспитување се непроценливи.

„Среќни сме што ќе бидеме домаќини на д-р Ранко Рајовиќ за оваа посебна пригода. Како компанија посветена на благосостојбата и иднината на нашата заедница, ја препознаваме важноста од поддршката на родителите и воспитувачите во нивните напори да ја негуваат следната генерација.

Сметаме дека инвестирањето во образованието и развојот на нашите деца е клучно за градење посветла иднина. Со здружување на родителите и воспитувачите, се надеваме дека ќе поттикнеме соработка и споделување знаење за доброто на нашата заедница“, изјави Полексена Јанкуловска, регионален маркетинг менаџер во Бимилк.

Семинарот ќе опфати низа теми, вклучувајќи развој на мозокот, рана стимулација, креативно учење, логично размислување и практична примена на методологијата NTC. Учесниците ќе имаат можност да стекнат вредни сознанија, да разменуваат идеи и да се вмрежат.

Бимилк како општествено одговорна компанија, ја зема предвид и улогата во едукацијата и развојот на вработените и младите, во пренесување на знаење и вредности и на тој начин активно учествува во создавање здрава, едуцирана и одговорна младина. Ова е дел од проектите кои Бимилк ги создава под платформата „Растеме заедно“ и континуирано ќе продолжи да едуцира за подобра иднина на младите, велат од таму.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Фото) Слоновите Дуња и Даела пристигнаа во Зоолошката градина

Редакција

Coca–Cola HBC и Пивара Скопје повторно прогласени за европски лидери во одржлив развој

Редакција

ЕВН Македонија додели таблет компјутери за новата „20-20-20“ генерација ученици во Гостивар

Редакција