Бројот на повредени деца во Македонија од новиот вознемирувачки предизвик на социјалната мрежа ТикТок, „Супермен челинџ“, за период од четири дена е најмалку 12, и тоа само во скопско.
ПОВРЗАНИ ВЕСТИ
Директорот на Универзитетската клиника за хируршки болести „Свети Климент Охридски“, доктор Небојша Настов за телевизијата Телма изјави дека во периодот од 2 до 5. декември како резултат на овој предизвик на Клиниката се примени 11 деца, од кои најмладото има 10, а најстарото 16 години.
Сите се пуштени на домашно лекување, а во два случаеви се работело и за скршеници.
Порталот Курир пак повикувајќи на Министерството за внатрешни работи информираше и за случај со осумгодишно дете кое се повредило при играњето на предизвикот во основното училиште во скопското село Зелениково.
Што е „Супермен челинџ“
Станува збор за предизвик во кој деца и тинејџери се снимаат како скокаат врз испружените раце на нивни врсници, имитирајќи го Супермен, кои потоа треба да се одбијат од рацете на врсниците и да застанат на подот исправени на нозе.
View this post on Instagram
Но, како што може да се види од бројни снимки кои кружат на ТикТок, се случува децата намерно да не го прифатат врсникот кој скока врз нивните раце, за да падне, да тресне на подот и да се повреди, па токму поради тоа и завршуваат со фрактури.
Видео: Скопје1/Фото: Унсплеш