Унгарската нискобуџетна авио-компанија Визер, со стапување во сила на зимскиот ред на летање, нема да лета од Скопје до Келн, Копенхаген и Стокхолм.
Засега нема информации дали ќе продолжи да лета на овие дестанации со пролетниот ред за летање, а на сајтот на компанијата повеќе не можат да се купат карти за овие дестинации.
Визер нема да лета од Келн поради високите цени за услуги и давачки што ги воведе аеродромот Келн-Бон, а за да се надомести интересот за тој дел од Германија, компанијата ќе ги зголеми фреквенциите од Скопје за Дортмунд. Во ноември и декември ќе има летови по шест пати неделно, а околу Нова година и Божиќ ќе лета секој ден.
На патниците што летаа за Копенхаген, Данска, им останува можноста да летаат до соседниот аеродром Малме, во Шведска, а засега Визер не го има зголемено бројот на овие летови.
Стокхолм моментално останува непокриен.
ПОВРЗАНИ ВЕСТИ
Нови авионски линии со Дубаи, Барселона, Лион, Штутгард, Базел и Истанбул од следната година