Катица Јанева, поранешната специјална обвинителка која од февруари беше на т.н. делумна слобода, го загуби правото да работи надвор од затворот Идризово во Скопје, бидејќи не работела во адвокатската канцеларија на нејзиниот син Лазар Јанев.
Службени лица од Управата за извршување на санкции извршиле увид во канцеларијата и констатирале дека таа е затворена, односно дека нема никој.
-Јанева била должна да се пријави ако не е таму. Направен е записник и веќе нема да може да користи делумна слобода. Таа има право повторно да побара, но со оглед дека веќе направила прекршок нема да и биде дозволено, вели за „Република“ директорот на Управата за извршување санкции, Александар Пандов.
Претходно таа работеше во библиотеката во затворот и ѝ беше дозволено да користи викенди.
Јанева заврши во затвор за случајот „Рекет“ и доби затворска казна од седум години, која ѝ истекува на 21. август 2026 година.
ПОВРЗАНИ ВЕСТИ
Камчев нема да добие 1,5 милион евра од Катица Јанева и Боки 13
Кој сѐ освен Катица Јанева и Стевчо Јакимовски е на “црната листа„ на САД
(Фото) Катица преку ден на работа кај синот, навечер е во затвор