Комерцијална банка АД Скопје преговара со повеќе инвеститори за купување на имотот и опремата на Еуроникел, кои сега се во сопственост на Банката, информираат од таму.
Од таму велат дека поради доверливоста на преговарачкиот процес со потенцијалните инвеститори, Банката не е во можност во моментот да споделува повеќе информации во врска со оваа постапка.
-Притоа, секако дека на секој потенцијален купувач на имотот и опремата на Еуроникел ќе му требаат и работници за извршување на производниот процес, велат од таму и посочуваат дека евентуалното отворање стечајна постапка врз Еуроникел нема никаква врска и допирни точки со сопственоста на Банката врз преземениот имот и опрема.
-Овој имот и опремата во никој случај нема да бидат дел од стечајната постапка и Комерцијална банка е слободна да ги продава без никакви ограничувања, велат од Банката.
ПОВРЗАНИ ВЕСТИ
Комерцијална банка стана газда на Еуроникел