Министерката Божиновска тврди дека нема важечка бугарска патна исправа и документ за идентификација

Поради бугарското државјанство, кое според бугарската агенција БГНЕС го зела во 2004 година, кога Бугарија не беше членка на Европската унија, министерката за енергетика, рударство и минерални суровини, Сања Божиновска, повторно е топ тема во јавноста, не само во Македонија.

ПОВРЗАНИ ВЕСТИ

Министерката Сања Божиновска изјавила дека е Бугарка во 2004 година, кога Бугарија не беше во ЕУ, тврди БГНЕС

Истото не го пријави во нејзината биографија, а по најновите медиумски натписи во Бугарија, за македонската државна агенција МИА таа вели дека моментално поседува само македонско и чешко државјанство и дека сега нема важечка бугарска патна исправа и документ за идентификација.

Таа лани на 14. септември побарала отпуст од бугарското државјанство и повторува дека бугарски пасош зела од економски причини.

ПОВРЗАНИ ВЕСТИ

Министерката Божиновска тврди дека немала повеќе бугарско државјанство, го имала поради деловни активности во ЕУ

„Државјанството кое го поседувала во минатото е земено од економски причини како што тоа го направиле многу македонски граѓани, а не како што некои актери сега сакаат да ја извртат вистината дека станува збор за национални причини“, се вели меѓудругото во соопштението од нејзиниот Кабинет.

ПОВРЗАНИ ВЕСТИ

Министерката Божиновска се уште има бугарско државјанство, тврдат бугарските медиуми

Процедурата за отпуст според бугарските медиуми се уште не е завршена и таа се води како бугарски државјанин.

ПОВРЗАНИ ВЕСТИ

Која е Сања Божиновска, кандидат за министер за енергетика

Два стана во Шпанија, по еден во Португалија и Србија: Министерката Божиновска меѓу најбогатите во Владата

Фото: Влада