Мандатарот Христијан Мицкоски, му понудил министерско место на кавадаречкиот градоначалник Митко Јанчев, но тој одбил да биде министер за локална самоуправа.
„Останувам да ја водам Општина Кавадарци како градоначалник. Ова значи дека преку локалното делување, а во соработка со идната власт предводена од ВМРО-ДПМНЕ, ќе продолжам да ги поддржувам сите активности, проекти и програми, кои ќе придонесат кон подобар стандард и квалитет на живот“, изјави Јанчев за ТВ Телма.
Списокот на членовите на новата влада и програмата за работа до Собранието ќе биде доставен во вторник на 18. јуни.
Утре пак, на 16. јуни, ВМРО-ДПМНЕ и коалицијата „Твоја Македонија“ ќе ја информираат јавноста кои се имињата на нивните министри, откако претходно ќе се одржат седници на Извршниот и на Централниот комитет на партијата.
ПОВРЗАНИ ВЕСТИ
Познати кандидатите за министри на ЗНАМ
Познати кандидатите на Беса за идни министри
Фото: Општина Кавадарци