Регулаторната комисија за енергетика, водни услуги и услуги за управување со комунален отпад (РКЕ) донесе Одлука со која од денеска се врши зголемување на малопродажните цени на нафтените деривати во просек за 0,50% во однос на одлуката од 18. декември 2023 година.
Малопродажните цени на бензините Еуросупер БС-95 и Еуросупер БС-98, како и на Еуродизел (Д-Е V) и на Екстра лесното масло за домаќинство на (ЕЛ-1) остануваат исти.
Малопродажната цена на Мазутот М-1 НС се зголемува за 1,017 ден/кг и сега ќе изнесува 41,937 ден/кг.
Еуросупер БС – 95, и понатаму ќе се продава по цена од 76,50 денари/литар, Еуросупер БС по цена од 98 78,50, Еуродизел БС (Д-Е V) по цена од 73 денари/литар, маслото за горење Екстра лесно 1 (ЕЛ-1) по цена од 72,50 денари.
Од РКЕ информираа дека референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 4,559%, кај дизелот за 5,356%, кај екстра лесното масло за 5,376% и кај мазутот зголемувањето е за 4,742%.