Од Секторот за внатрешни работи (СВР) Штип информираа дека вчера во операциона сала во Клиничката болница – Штип се степале двајца хирурзи.
Како што велат од таму, еден од нив, Н.Т. од Штип пријавил дека на работното место во операциона сала во болницата бил физички нападнат од неговиот колега З.Ш., на што возвратил.
По целосно расчистување и документирање на случајот ќе биде поднесена соодветна пријава, велат од полицијата.
За инцидентот се огласија и од болницата, посочувајќи дека веќе е поведена дисциплинска постапка за двајцата вработени.
-Во текот на вчерашниот ден 05.02.2025 година околу 12:30 часот во работните просториите на Клиничка болница – Штип дојде до нарушување на работниот ред со физичка пресметка помеѓу двајца вработени.
Во текот на денешниот ден, од страна на надлежните од болницата случајот е пријавен во СВР-Штип и е поведена дисциплинска постапка за двајцата вработени, се вели во соопштението од Клиничката болница-Штип.
Фото: МЗ