Фершпед АД Скопје лани остварил добивка од 124.103 илјади денари, соопшти компанијата преку Македонската берза.
-Остварените вкупни приходи во периодот јануари-декември 2023 година изнесуваат 4.471.089 илјади денари и во споредба со остварените вкупни приходи во 2022 година се намалени за 3%.
Оперативните приходи во износ 4.463.807 илјади денари учествуваат со 99,8 % во вкупните приходи и истите се намалени за 3% во споредба со оперативните приходи во 2022 година.
Финансиските приходи бележат зголемување за 82% во однос на истите од претходната година.
Вкупните расходи во износ од 4.331.620 илјади денари се намалени за 4% во однос на вкупните расходи во 2022 година.
Оперативните расходи во износ 4.331.081 илјади денари се намалени за 4% во однос на 2022 година.
Најголемо учество во оперативните расходи со 81% имаат расходите за услуги со карактер на материјални трошоци во износ од 3.510.035 илјади денари.
Финансиските расходи бележат намалување за 71% во однос на истите од претходната година, велат од таму.
ПОВРЗАНИ ВЕСТИ
Заменик генералниот директор на Фершпед, Иван Петровски, поднесе оставка
Драган Наков избран за генерален директор на Фершпед, а за негов заменик Иван Петровски