Фершпед АД Скопје во првите три месеци од годинава остварил оперативната добивка од 24.597 илјади денари, соопшти Друштвото преку Македонската берза.
-Остварените вкупни приходи за овој период изнесуваат 975.224 илјади денари и во споредба со остварените вкупни приходи за истиот период од 2023 година бележат пад од 5%.
Оперативните приходи изнесуваат 973.427 илјади денари и истите бележат пад од 5% во однос на оперативните приходи за истиот период од 2023 година.
Финансиските приходи бележат пораст во однос на истиот период минатата година.
Вкупните расходи се во износ од 948.909 илјади денари и истите имаат пад за 6% во однос на вкупните расходи за истиот период 2023 година.
Оперативните расходи изнесуваат 948.830 илјади денари и истите бележат намалување за 6% во однос на истиот период во 2023 година.
Финансиските расходи бележат пад во однос на истиот период минатата година.
Нето добивката по оданочување во анализираниот период 22.812 илјади денари, и истата е зголемена во однос на истиот период од 2023 година, велат од таму.
ПОВРЗАНИ ВЕСТИ
Заменик генералниот директор на Фершпед, Иван Петровски, поднесе оставка