Градоначалникот на Куманово и кандидат за претседател на Македонија на ЗНАМ – За наша Македонија, Максим Димитриевски, на социјалните мрежи информираше за нова кривична пријава против него.
Тој од Основното јавно обвинителство Куманово добил покана да се јави во Обвинителството, бидејќи е обвинет за кривичното дело „Неизвршување на судска одлука“.
Нема детали кој е подносител на кривичната и за што точно се работи.
„Притисоците не престануваат туку како и што очекував се интензивираат. Ваквите постапки не ме обесхрабруваат туку дополнително ме мотивираат да го демонтираме овој режимски систем.
Ќе има и правда, ќе има и мир, а непристрасните професионалци ќе добијат шанса да изградат и правен и функционален државен систем“, напиша тој на Фејсбук.
ПОВРЗАНИ ВЕСТИ
(Видео) Одложен стартот на судењето за Максим Димитриевски поради нови докази
Пред избори обвинение за Максим Димитриевски, тој обвини дека власта мотира случај против него
Фото: Фејсбук/Димитриевски