Екипа на еМагазин од Солун
Синоќа низ Грција имаше нови масовни протести за железничката несреќа кај Темпи, во која пред две години загинаа 57 лица, претежно млади.
Екипа на еМагазин го следеше протестот во Солун, каде за неколку дена една од најпознатите улици во градот, Игнација, повторно беше преплавена со луѓе, во најголем дел млади.
Откако се собраа во близина на плоштадот Аристотелис, поворката маршираше до Железничката станица.
Гневот поради тоа што грчките власти криеле информации за несреќата во Грција секојдневно расте, па во петок ќе има нови протести.
Неодамнешно истражување покажа дека дури 72% од Грците сметаат дека властите криеле причини за несреќата.
Несреќата со денови е топ тема во медиумите.
Оваа следи откако неодамна беше објавена аудио снимка која покажа дека околу 30 лица биле живи по сударот на патничкиот и товарниот воз, но починале бидејќи останале без воздух поради експлозија во товарниот воз кој превезувал нелегално запаливи хемиски супстанци.
„Неможам да дишам“ вели девојка на нејзината другарка во снимката, што стана главниот слоган на протестите.
ПОВРЗАНИ ВЕСТИ
(Фото) Споменик за загинатите од несреќата кај Темпи во Солун, утре нови протести
(Видео) Масовни протести во Атина, Солун, Патра… на двегодишната од железничката несреќа кај Темпи
Фото/видео: еМагазин