Денеска во руски напад на главниот град на Украина, Киев, е погодена и зградата во која се наоѓа македонската Амбасада.
Од македонското Министерството за надворешни работи и надворешна трговија (МНР) најостро го осудија нападот.
„Информираме дека при нападот е погодена и критичната инфраструктура во Голосеевскиот реон, вклучително и зградата каде што се сместени шест амбасади, меѓу кои и Амбасадата на Република Северна Македонија во Киев.
При нападот нема повредени меѓу дипломатскиот персонал, но е причинета материјална штета на Амбасадата.
Од страна на надлежните служби извршен е првичен преглед на штетите на самото место и веќе се работи на нивно санирање“, соопшти МНР.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.