Fashion Weekend Skopje powered by UNIBank го слави своето 30. издание – не само како моден настан, туку како сцена на културата.
Ако првиот ден започна со изложба што го слави заедништвото преку уметност, продолжи со студентски ревии што се похрабри од било кој тренд и заврши со регионални дизајнери што носат визија, не само облека, вториот ден беше потврда дека ова не е само модна недела – туку културен полигон каде што модата не е само да се покаже, туку за неа се зборува.
Како генерален партнер, УНИБанка ја поддржува визијата на FWSK за мода што го надминува гламурот и го рефлектира пулсот на заедницата.
Маратон на идеи: Модата како иднина
Под отвореното мото „Community”, вториот ден започна со Public Talk Marathon – четири инспиративни сесии што ја отворија сцената за најважните прашања на денешната модна индустрија.
„Just Fashion” донесе разговор за трансформацијата на модната индустрија кон циркуларни и социјално инклузивни модели, со визионерските ставови на Даниела Милошеска (Bastet Noir) и Александра Филипова (BlackBello). Модата тука не беше шоу – туку платформа за промена.
Поддржано од Green Land Group, сесијата „Wear the Change” беше отворен разговор за етичката мода и иднината на одржливите практики, каде што свои приказни споделија Гордана Родиќ-Китановска, Jackie Dejean, Олгица Треневска (Центар за интеграција и подршка SIEC) и Ангела Бикова (Upcycled by Bikova).
Дискусијата за проектот MISSION4WATER, водена од Наташа Сивевска – извршна директорка на Текстилното трговско здружение – Текстилен кластер и модната дизајнерка Ирина Тошева, го обедини модниот сектор и екологијата, покажувајќи дека иднината на модата е нераскинливо поврзана со одговорноста кон животната средина.
А во сесијата „Ties that Bind: BiH & MK Dimensions of Fashion”, поддржана од UNESCO и Европската Унија преку програмата CC4WBs, се зборуваше за модата како идентитет, меморија и отпор, со учество на Сара Стојчевска, Дамјан Ристовски и Емилија Славкова.
Пред да започнат модните ревии, публиката на Fashion Weekend Skopje имаше можност да ужива во еден несекојдневен освежителен момент – фузија на креативност и став, инспирирана од живоста на новиот Schweppes Pink Grapefruit.
Во сценски перформанс осмислен како спој на храброст и убавина, уметникот Бојан Ковски ја донесе својата мајсторија во бодипејнтингот, претворајќи ја бојата, текстурата и динамиката на Schweppes Pink Grapefruit во моќен визуелен израз. Креацијата, во која главната ѕвезда беше прекрасната Викторија Лоба, ја долови шумливата енергија на брендот преку боја, движење и естетика.
Новата генерација: Студентски ревии што не се плашат. Делот со младите дизајнери беше еден од најемотивните моменти на викендот. Три дизајнерки од International Fashion Institute Izet Curi – Блендина Катона, Ерона Фејзулаху и Дријона Кадриу – ги претставија своите дебитантски колекции.
Blendina Katona со „ACTIVE WOMEN“ славеше женска сила инспирирана од 80-тите.
Erona Fejzullahu преку „ECLIPSE“ ја истражуваше тензијата помеѓу светлината и темнината. Drijona Kadriu со „Beta & Koi“ раскажа приказна за отпорноста и тивката сила.
На пистата видовме визии на млади дизајнери што не се водат по трендови – туку по храброст и став. Сцената ја збогатија и дизајнерите кои веќе создаваат со свој јазик:
CRIUS со колекцијата „SIDEWALK SAINTS“ во соработка со Faceless, прикажа урбана романса, вешто спојувајќи ја елеганцијата со динамичниот уличен ритам. Духот на младоста, слобода и стил беа испреплетени на пистата.
Anastasija Atanasovska – A2 Atelier со колекцијата „Veil & Reveal“ ја славеше комплексноста на женското битие, претставувајќи ја нежноста и силата како две неделиви страни на истата приказна.
Вечерта беше затворена со модно-музички перформанс на KALI ROSE, која преку „Silent Chains“ покажа дека модата може да биде патување кон внатрешната слобода, ослободување од невидливите окови и градење на самопочитта.
Модата не е забава. Таа е отпор
FWSK30 powered by UNIBank не е викенд на убави парчиња. Ова е модно движење на вредности. На гласови што не се плашат да бидат свои.
Најголемиот тренд годинава? Храброста.
Македонската модна сцена можеби не е масовна – но е автентична. И гласна.
Во време кога масовната продукција ја загрозува автентичноста, Fashion Weekend Skopje останува документ на истрајност и културно значење.
Во светот на трендови што траат три минути – FWSK30 слави приказни што траат.
