Една од најпознатите пејачки на денешницата, Мараја Кери, во ист ден остана без сестра и мајка.
Изминатиот викенд на 63-годишна возраст починала сестра ѝ Алисон Кери, а на 87-годишна возраст мајка ѝ Патриша Кери.
И со двете Мараја Кери не беше во добри односи.
Во своите мемоари од 2020, Кери напиша дека била оттуѓена од сестрата и нивниот брат Морган Кери, велејќи дека било емотивно и физички подобро за неа да нема контакт со нив. Алисон ја тужеше Кери по излегувањето на мемоарите и бараше обесштетување од 1,2 милиони долари.
Во истата книга Мараја Кери изнесе детали и за комплицираниот однос со мајка ѝ, поранешна оперска пејачка и тренер, велејќи дека тоа ѝ предизвикало многу болка и конфузија. Таа напиша дека помеѓу нив имало натпревар и професионална љубомора, но исто така никогаш не криеше дека мајка ѝ била таа која ја вовела во светот на музиката.
Нејзиниот татко Алфред Кери почина во 2002 година на 72-годишна возраст.
Фото: Фејсбук/Инстаграм/Кери