Министерот за внатрешни работи, Панче Тошковски информираше дека пиротехниката во дискотеката „Пулс“ во Кочани ја донел бендот ДНК, а лицето кое било задолжено за нивна употреба е починато.
Концертот според него бил одржан „на диво“, бидејќи немало писмен договор меѓу организаторот и оддржувачите.
ПОВРЗАНИ ВЕСТИ
(Видео) „Ако утре ме нема, тажни да не ве гледам“, пееше Андреј, групата ДНК загуби седум членови
Тошковски го потенцираше и наодот од обвинителот Љупчо Коцевски дека дискотеката работела во објект чија што намена е лесна индустрија, а не угостителство, и во неа имало само два противпожарни апарати.
„МВР не било известено за таков настан. Таква информација до нас не е доставена. Согласно закон, пропишано е како треба да се обезбедува ваков настан,“ изјави Тошковски.
Како што и до сега е познато, потенцираше дека од „прскалките“ започнале првите искри по што се запалил таванскиот простор и кровната конструкција.
ПОВРЗАНИ ВЕСТИ
Обвинителство треба да утврди дали пиротехниката требала да поседува одреден сертификат за употреба.
По завршување на увидот ќе и се соопшти на јавноста за типот на пиротехника.
„За жал ниедна власт не видела потреба за носење нов закон, кој ќе се донесе до крајот на оваа година,“ додаде Тошковски.
ПОВРЗАНИ ВЕСТИ
Не штитете некој кој треба да е зад решетки, порачува Наталија сопругата на Андреја Ѓорѓиески
Цел свет виде како системот во Кочани за пари уби деца
Фото: ДНК/Фејсбук