Судскиот совет оцени дека судијата Елмедин Ферати од Основниот суд Тетово не можел да изрече повисока казна за Менсур Пајазити, кој ја усмрти 22-годишната Теодора Ристовска на пешачки премин во Тетово, а за тоа на повтореното судење доби само две години затвор.
ПОВРЗАНИ ВЕСТИ
Менсур Пајазити кој ја прегази Теодора Ристовска на пешачки во Тетово, осуден на две години затвор
Од Советот на нивната веб страна го објавија наодот на работната група која беше формирана по бурните негативни реакции за малата казна.
Во истиот стои дека судијата Ферати не можел да досуди повисока казна, бидејќи ако е изјавена жалба само во корист на обвинетиот, пресудата не смее да се измени на негова штета во однос на правната оцена на делото и на кривичната санкција.
Од Судскиот совет се повикуваат на членот 428 од Законот за кривична постапка (ЗКП), кој се однесува на забраната за менување на полошо (Reformatio in peius).
Од Судскиот совет како поткрепа на ваквиот заклучок од увидот во предметот, наведуваат и хронолошки преглед на постапувањето на судовите.
Целиот наод ОВДЕ.
ПОВРЗАНИ ВЕСТИ
Бура од реакции за казната затвор од само две години за возачот кој ја усмрти Теодора Ристовска
Фото: Унсплеш