Трагедијата во Кочани, каква што не памети Македонија, е топ тема низ светот.
Највлијателните медиуми низ светот и регионот во детали известуваат за пожарот во т.н. дискотека во Кочани, во која загинаа најмалку 59 лица, меѓу кои и речиси цел состав на групата ДНК, која таму имала концерт, со пиротехника, која е и причината за пожарот.
ПОВРЗАНИ ВЕСТИ
Андреј од ДНК загинал откако се вратил да спасува настрадани во пожарот во Кочани
Поврдени се 155 лица, од кои неколку во критична состојба, па македонските институции ги пратија на лекување по регионот. Благодарност за сите земји што понудија помош!
Освен за бројот на жртвите, медиумите низ светот фокусот го ставаат на шупата наречена дискотека, со еден влез/излез на која некој и дал дозвола да работи така со години.
ПОВРЗАНИ ВЕСТИ
(Видео) Оваа е шупата, т.н. дискотека во Кочани во која ни загинаа најмалку 51 дете
Како и во многу други објекти низ Македонија и овде излез за итни случаеви немало! Затоа ни отидоа толку многу деца. Немале од кај да излезат!
Нормално, немала ни хидрант!
Кога ја изгубила, една година, шупата, поранеш магацин за теписи, продолжила да си работи со фалсификувана лиценца, благодарение на мито и корупција.
ПОВРЗАНИ ВЕСТИ
И пак нормално никој не ја контролирал, иако претходно ја изгубила лиценцата поради тоа што не ги исполнувала условите за работа.
Освен светот што виде тага, болка и бес, виде практично како функционира корупцијата и митото во Македонија, земја во која за пари горат живи луѓе. Сега сите знаат каква ни е државата!
Не ни е првпат. Ние сме една од ретките земји каде живи изгореле луѓе во болница, а за тоа бил виновен штекер!
Децата нема да ни се вратат! Стотици фамилии системот ни зави во црно! По којзне кој пат!
Време е за сериозна одговорност, инаку сите ќе изгориме!
А шупата нека ја остават, да сведочи во каква мизерна земја живееме, во која човечкиот живот пет пари не вреди!
ПОВРЗАНИ ВЕСТИ
Фото: Фејсбук