Маж на возраст од 51 година од струмичкото село Костурино загина во сообраќајката која се случи вчера на регионалниот пат Струмица-Валандово, на излез од селото.
ПОВРЗАНИ ВЕСТИ
Едно лице загина во сообраќајна несреќа на патот Струмица-Валандово
Станува збор за Г.Б., а во несреќата со телесни повреди се здобил и Т.Б.(54), од Костурино, кои се превезувале на полуприколка, управувана од Р.Ш. (40) од истото село.
Во несреќата се судриле патничко возило „фиат” и трактор „имт” со струмички регистарски ознаки, кој ја влечел нерегистрираната приколка.
Со возилото управувал Х.Д. (33) од Струмица, кој избегал од местото на несреќата, по што бил уапсен, информираа од Министерството за внатрешни работи.
Х.Д. е задржан во Полициската станица Струмица и по целосно документирање на случајот ќе биде поднесена соодветна пријава.