А1 Македонија ja известува јавноста дека активно ја следи состојбата и развојот на настаните поврзани со вирусот COVID-19 во земјата и ги презема сите потребни мерки за превенција и заштита на своите корисници и сите вработени во компанијата.
„А1 Македонија ги создава сите услови за минимизирање на непосакувани ситуации и поедноставување на функционирањето во новонастанатите услови предизвикани од COVID-19.
Како компанија посветена на развојот на дигитални услуги, потсетуваме дека сите информации за нашите услуги се достапни на нашата веб страница www.a1.mk или преку повик во А1 Контакт центарот на телефонскиот број 077 1234 во текот на 24/7,“ се вели во соопштението на компанијата.
Дополнително, корисниците можат да активираат дополнителни услуги и да ги имаат на увид своите сметки преку апликацијата Мојот А1 која може да се преземе на следниот линк: www.a1.mk/mojot-a1-promo, додека своите сметки корисниците можат електронски да ги платат на www.a1.mk/plati-smetka.