Околу 30 отсто од вкупниот број на деца, кои се згрижени во клоновите на градинката „Детска радост“ во Струмица, денес не биле донесени од нивните родители, откако завчера беа регистрирани уште два нови случаи на заразени со Ковид-19.
Според директорот Васил Бубев, отсуство се забележува само во „Клон 3“, каде се појави заразата, додека во останатите има многу мало намалување.
-Засега само три деца се позитивни на тестот на Ковид-19 од групата од 11 деца во која беа овие дечиња. Јас останувам на ставот дека нема цврсти докази дека последните два случаи се заразиле од првото дете во градинката, на кое заразата му е пренесена од член на семејството.
Ние продолжуваме да работиме според утврдените прописи и протоколи и нема потреба од паника, рече директорот Бубев.
На 17 овој месец беше регистриран првиот случај на заразено петгодишно дете, а два дена подоцна уште две деца од истата група од градинката беа позитивни на тестирањето.
Децата од оваа група се во изолација, како и тројца вработени од градинката.
ПОВРЗАНИ ВЕСТИ
Дете од струмичка градинка позитивно на Ковид-19
Заразеното дете од струмичката градинка стави 11 деца и тројца вработени во изолација
МИА/Фото: Влада