Министерството за здравство информира дека за нов директор на Универзитетска Kлиника за трауматологија, ортопедски болести, анестезија, реанимација и интензивно лекување и Ургентен центар (ТОАРИЛУЦ) е назначен Д-р Александар Трајановски.
Трајановски е вработен на Клиниката за ортопедски болести при ТОАРИЛУЦ од 2011 година.
Дипломирал во 2006 година на Медицинскиот Факултет, при Универзитетот „Св. Кирил и Методиј” во Скопје. Во 2012 година завршил специјализација по ортопедија, а во 2019 година ја завршил и субспецијализацијата по трауматологија на истиот факултет.
Новиот директор на ТОАРИЛУЦ д-р Трајановски се едуцирал и на Универзитетскиот Клинички центар во Љубљана, Словенија, и во болницата Аџибадем Истанбул, Турција. Д-р Трајановски е учесник во научни проекти, автор и коавтор на повеќе научни публикации, се вели во соопштението на МЗ.
Трајановски доаѓа на местото на Илир Хасани, кој стана заменик-министер за здравство.
ПОВРЗАНИ ВЕСТИ