Нови позитивни случаи на Ковид -19 има во три текстилни конфекции, во болницата, општината и во затворот во Штип.
Директорката на Центарот за јавно здравје од штип, Марија Димитрова вели дека позитивни случаи има и во градинката „Виножито“, а заразен ученик има и во општинското основно училиште „Тошо Арсов“, кој и претходно бил изолиран, поради контакт со позитивен случај.
-Коронавирусот насекаде се шири. Во анкетите лицата кои имаат позитивен тест, посочуваат дека не ни знаат од каде се заразени, вели Димитрова.
Зголемен е и бројот на тестирања. Деновиве, на пунктот се земаат и до 40 брисеви кои се закажани преку „Мој термин“, но има и такви кои според анкетите се сомнителни случаи.
Вршителот на должност градоначалник на Општина Штип, Јане Миланов, по денешниот извештај на Центарот за јавно здравје, најави дека утре седница ќе одржи Општинскиот кризен штаб.
Во Штип, во моментов активни случаи се 227.
МИА/Фото: Општина Штип