Во период од 01.01.2021 до 30.06.2021 година, ПИ Кристал 1923 АД Велес оствари добивка во износ од 37.444 илјадa денари, додека во истиот период од претходната година имаше добивка во износ од 7.827 илјади денари, соопшти компанијата преку Македонската берза.
„За шесте месеци оваа година се остварени вкупни приходи во износ од 312.301 илјада денари и во однос на лани за истиот период се намалени за 4%. Поголем дел од приходите се од домашен пазар. Приходите од странски пазар во однос на претходната година се намалени за 29%.
Расходите за шест месеци оваа година изнесуваат 274.857 илјади денари и во однос на претходната година се намалени за 14%.
Од напред наведеното може да се заклучи дека намалувањето на приходите е помало за 10% во однос на намалувањето на трошоците и како резултат на порастот на продажните цени на готовите производи во овој период во однос на цените на залихите е остварен позитивен финансиски резултат.
Прогласената пандемија на Ковид-19 немаше негативно влијание врз работењето во 2021 година, а не очекуваме позначајни импликации врз резултатите од работењето на друштвото и во наредниот период“, велат од компанијата.
ПОВРЗАНИ ВЕСТИ
„Кристал 1923“ преку јавна понуда ќе продава 50.000 сопствени акции
„Кристал“ ќе распродава недвижнини низ цела држава: Mеѓу нив и Стоковната куќа 26-ти јули во Скопје