Синоќа во Лондон се одржа премиерата на новиот филм за Џејмс Бонд, „No Time to Die“ („Не е време за умирање“) традиционално во „Ројал Алберт хол“.
Премиерата на филмот година ипол се одложуваше поради ковид-пандемијата
Актерот Даниел Крег најави дека со овој филм ќе се прости од улогата на најславниот таен агент на светот, а новата авантура за Бонд е снимена со најголем буџет до сега.
Главната музичка нумера ја изведува младата американска пејачка Били Ајлиш, која на филмот му донесе светска слава, иако филмот не беше премиерно прикажан.
На премиерата во Лондон, се појави и кралското семејство, а војвотката од Кембриџ, Кејт Миделтон блесна на црвениот килим, во златен фустан. Таа го привлече најголемото внимание од присутните, па многумина коментираа дека би можела да биде новата Бонд-девојка.
Фото: Официјална Фејсбук-страница/James Bond 007