Комисијата за заразни болести ќе одржи состанок во петок, соопшти министерот за здравство Венко Филипче, но тој смета дека не се потребни нови рестриктивни мерки.
Според него, доволно е да се почитуваат протоколите и да се зголеми процентот на вакцинација.
-Со членовите на Комисијата сме во континуирана комуникација и во периодот додека беше ситуацијата прилично мирна. Освен размена на информации, така се евалуираше и потребата за официјален состанок. Во петок ќе има состанок согласно новите анализи.
Во однос на мерките, ќе ги слушнеме предлозите и согледувањата. Јас сметам дека треба да продолжат превентивните мерки и да се зголеми процентот на вакцинација,“ рече Филипче.
Тој повтори дека еден од главните критериуми за воведување нови мерки ќе биде ризикот во болничките капацитети кој засега не е евидентиран.
ПОВРЗАНИ ВЕСТИ
Филипче не размислува за оставка
МИА/Фото: МЗ