Разбојници ја ограбиле централната кујна на детската градинка Димче Мирчев во Велес, пренесува телевизијата Телма.
Грабежот е пријавен утрово, а разбојниците најверојатно „работеле“ преку цел викенд и ја однеле сета храна наменета за оброци на 1.260 деца, кои се запишани во сите објекти на градинката.
Телевизијата објави дека крадците го скршиле прозорецот и влегле преку магацинскиот простор во подрумот каде се сместени котлите за парно греење.
-Веднаш го исклучиле видео надзорот, со што автоматски се исклучува и алармот. Однесено е се што имало како храна за потребите на градинката. Украдени се 10 пакети зејтин, 100 килограми брашно, шеќер, целата сол е изнесена, украдени се и месни и млечни производи.
Од фрижидерите е украден сиот кашкавал и сето сирење и млеко, вели за Телма, Маја Велиновска, директорка на градинката.
Фото: Телма