Од неодамна, Планинската спасителна служба (ПСС) од Охрид започна активна соработка со новоформираниот Клуб за потрага по исчезнати лица „Куче спасител“, кој го предводи познатиот дресер на кучиња од Охрид, Ефто Стојановски, информираат од службата.
„За потребите на клубот, ПСС ќе обезбеди соодветна опрема за удобно одгледување на кучињата, како и за безбедна теренска работа на водичите, кои ќе бидат од големо значење во потрагите по исчезнати лица во иднина, на планина и во урбана средина.
Апелираме до јавноста и до одгледувачите на кучиња, доколку имаат можност и желба да донираат млади кучиња, на возраст од 5 до 10 месеци, за потребите на клубот за потрага на исчезнати лица, да не контактираат со цел подобрување на капацитетот и ефикасноста на овој сектор во иднина.
За поголема ефикасност, се преферира кучињата да бидат од расата Белгиски овчар или друга динамична раса, во консултација со дресерот,“ велат од ППС Охрид.