Македонски телеком преку Македонската берза соопшти дека исплатата на дивидендата за 2017 година ќе се изврши на 26.09.2018 година.
Дивидендата за 2017 година е утврдена на износ од 1.584.850.714 денари или бруто износ од 18,37 денари по акција (заокружено на две децимали), во кој се вклучени сите даноци, каде што е применливо, и кои ќе бидат задржани и платени од бруто дивидендата согласно со важечката даночна регулатива во Република Македонија на датумот на исплатата.
„Сите акционери кои се евидентирани во Книгата на акционери на Македонски Телеком АД – Скопје на 17.05.2018 година имаат право на дивиденда за 2017 година. Последен ден на тргување со право на дивиденда за 2017 година е 15.05.2018 година, додека прв ден на тргување без право на дивиденда за 2017 година е 16.05.2018 година“, соопшти компанијата.