еМагазин
Image default
Македонија

Софка Пејовска Дојчиновска нов заменик-претседател на Антокорупциската комисија

Државната комисија за спречување на корупцијата (ДКСК) денеска, во рамки на 90. седница, ја избра Софка Пејовска Дојчиновска за нов заменик-претседател.

Пејовска Дојчиновска доаѓа на местото на Катица Николовска, на која членовите на ДКСК и заблагодарија за досегашниот вложен труд.

-За следен заменик-претседател се предлага најстариот член, кој работи од првиот ден од формирањето на ДКСК, рече претседателката на Антикорупциската комисија, Билјана Ивановска пред гласањето.

На седницата која се одржува преку зум платформата, изгласани се и предложените изменувања и дополнувања на Националната стратегија за спречување на корупцијата и судирот на интереси 2021-2025.

Членовите на Антикорупциската комисија постапуваат и по конкретни предмети, како и по предмети оформени по пријави од укажувачи согласно Законот за заштита на укажувачите.

МИА/Фото: МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Иницијативата за Законот за амнестија денеска пред уставните судии

Редакција

Владата со Акциски план ќе се бори против корупцијата

Редакција

Словенечкиот претседател Пахор до Пендаровски: Да беа Словенците Бугари ќе немавте проблем

Редакција