Денеска почнува Богородичниот пост, кој е востановен во чест на Христовото Преображение и Успението на Пресвета Богородица.
Масло се употребува само во сабота и недела. Риба се разрешува само на Преображение.
„Треба да нагласиме дека ова е општо правило на Црквата , а на секој му се одредува неговото лично правило со согласност и благослов на духовниот Отец.
Но никој да не мисли дека може самоволно да се разрешува од пост по своја волја, како што има многу случаи сами да се разрешуваат од постот, како, мирјаните наговараат со зборовите: „Јади кога јас сум разрешил” или, пак, сами без причина се разрешуваат од пост.
Тоа што го одредила Црквата е царски и духовен пат кој води во вечен живот. Оние кои сакаат да постат нека внимаваат да не се натоварат со поголемо бреме од она што Црквата го одредила.
Оние кои никако не постат, нека почнат да постат, ако мислат да се спасат и душата да им влезе во Царството небесно. Но, тие не можат веднаш да го земат целото правило, а потоа, со текот на времето, ќе се трудат, а Господ ќе им помогне да го примат целосното правило, па така по некое време и тие ќе постат уредно,“ пишува Православно секојдневие.
Богородичниот пост завршува на 28 август.