Веќе 11 дена има пожар на планината Галичица, а пожарот синоќа премина од страната на Охрид.
Во текот на вчерашниот ден во делови на Охридското Езеро имаше саѓи и пепел.
Пожар на Галичица, сега сликано. pic.twitter.com/vLytFAOKIy
— Makedončište (@shopkarishte) August 14, 2024
Замина и Галичица 😢 pic.twitter.com/XNTLA69eRI
— Goce Jonoski (@gocejonoski) August 14, 2024
Пожарот започна во високо планинските предели на над 2.000 мнв, каде пристапот е возможен само со пешачење од најмалку два часа.
Вечерва од Преспа, правец над с. Стење
Национален парк Галичица pic.twitter.com/8CSmkU0NNv— Stojan Stojanovski 2S (@Stojan2s) August 7, 2024
Големината на огнениот фронт, тешко пристапниот терен, неповолните временски услови, како и големиот број на детонации од неексплодирани гранати, не дозволија локализација на пожарот во високата зона и полека истиот навлезе во буковите шуми на исток, запад и север, објаснија од Планиснката спасителна служба.
Вчера на територијата на Македонија имало 49 пожари на отворен простор, од кои во моментов 12 се активни, седум се под контрола и 30 се изгаснати, информираа од Центарот за управување со кризи.
Активни се пожарите во Македонски Брод, кај Јасен и Белица каде гори борова шума, како и на Галичица каде пожарот се шири на две страни, и кон Ресен и кон Охрид.
Борова шума и папрат гори во Општина Кочани и Општина Македонска Каменица, кај селата Пресека и Цера. Во Општина Долнени гори нискостеблеста шума и сува трева кај селото Дебреште, а пожарот се шири кон Рилево и Зрзе.
Активен е и пожарот кај Патеец, кичевско. Тука гори борова и букова шума. Во Кичево има уште еден пожар, кај селата Зајас и Горно Строгомиште.
И на Врбен, во Општина Маврово-Ростуше, гори ела, смрека и сува трева.
Активни се и пожарите во општините Неготино, Битола, Пласница, Македонски Брод и Пробиштип.
Под конгтрола е пожарот кај Пехчево, Демир Хисар, на Илинска Планина, депонијата кај Делчево, Чашка на планината Мукос, Слатина кај Македонски Брод, во селото Гари кај Дебар и на планината Стогово.
Фото: Твитер/Игор Бансколиев