Регулаторната комисија за енергетика, водни услуги и услуги за управување со комунален отпад (РКЕ) издаде лиценци за нови фотонапонски централи за производство на електрична енергија од обновливи извори, со вкупна инсталирана моќност од речиси 250 MW, во периодот од јануари до август, информираат од таму.
Овие лиценци претставуваат значаен чекор кон зголемување на капацитетите за обновлива енергија во земјата, посочуваат од таму.
„Станува збор за инвестиции кои се резултат на приватна иницијатива. Главно се работи за компании кои инсталираат фотонапонски панели за да ги задоволат своите енергетски потреби.
Со произведената енергија од овие капацитети, може да се снабдуваат околу 80.000 домаќинства,“ изјави Марко Бислимоски, претседател на РКЕ.
Фото: Влада