Витаминка АД Прилеп во третиот квартал остварила добивка по оданочување во висина од 36,160 илјади денари, која во споредба со добивката за истиот период од минатата година е зголемена за 58%, информираше компанијата преку Македонската берза.
-Остварените единечни вкупни приходи во деветмесечието од 2024 година изнесуваат 2,650,211 илјади денари и во споредба со остварените за истиот период во 2023 година бележат раст од 8%.
Во структурата на вкупните приходи најголемо учество, 99%, имаат приходите остварени од продажба на производи и услуги од основна дејност, кои во споредба со остварените во 2023 година се поголеми за 7%.
Остварените единечни вкупни расходи во деветмесечието од 2024 година изнесуваат 2,490,295 илјади денари и во споредба со остварените за истиот период во 2023 година бележат зголемување од 7%. Висината на вкупните расходи е во корелација со работењето во деветмесечието од 2024 година, велат од таму.
ПОВРЗАНИ ВЕСТИ
Витаминка со зголемена добивка во првото полугодие
За менаџментот на Витаминка лани 41,1 милиони денари