Адвокатот на поранешниот прв вицепремиер и министер за политички систем и односи помеѓу заедниците, бегалецот Артан Груби, Владимир Доневски, вели дека неговиот клиент по утврдување на сето она со што располага Судот, како и по анализата што ја направила неговата одбрана на аргументите на Основното јавното обвинителство, не постои основа на сомневање за сторено кривично дело, предвидено со закон.
ПОВРЗАНИ ВЕСТИ
Како Груби и Бајрами го направиле криминалот во Државна лотарија: Сите детали
Од одбраната на Груби велат и дека тие ќе ги изложат своите аргументи во рамки на законски предвидената постапка, со цел да се убедат судот и јавниот обвинител дека нема кривично дело за дејствијата за кој е обвинет Груби.
„Се надеваме дека сите учесници во оваа кривична постапка ќе останат имуни на очигледната политизација на процесот и ќе ги задржат непристрасноста и независноста, а одлуките ќе ги носат, како и ние, врз основа на јасни правни аргументи.
Со оглед дека судењата се јавни, медиумите и целокупната јавност ќе можат да го следат процесот и сами да донесат заклучок дали постојат докази за утврдување вина кај Артан Груби“, велат преку соопштение од адвокатското друштво „Доневски“.
Оттаму додаваат и дека гонењето на осомничениот се води во судска постапка, а не преку медиуми и токму затоа тие досега не излегле во јавност, и покрај големиот јавен интерес за случајот.
ПОВРЗАНИ ВЕСТИ
Бегалецот Груби бара да му се укине притворот од 30 дена
До Основниот кривичен суд, одбраната на Груби поднесе жалба на одлуката за притвор.
ПОВРЗАНИ ВЕСТИ
Бегалецот Груби е во близина на Драч во Албанија?
Кои адвокати ги ангажираа Груби и Бајрами
Фото: Груби/Фејсбук