На денешното рочиште за убиството и грабнувањето на 14-годишната Вања Ѓорчевска од Скопје и 74-годишниот Панче Жежовски, еден од клучните сведоци, Гоце Трајковски, пријател на таткото на Ѓорчевска, Александар Ѓорчевски, кој е еден од обвинетите, кажа и дека контактирал со полициски инспектор и по насоки на полицијата, снимал во домот на Ѓорчевски и ја известувал за неговото однесување.
Од него, како што кажа, било побарано да провери во станот на Ѓорчевски да не е некаде сокриено девојчето.
„Се согласив, ама и се јавив на сестра му на Александар и ѝ кажав што побарале од мене. Таа ми рече оди слободно, ама не и беше јасно зошто ме праќаат кога полицијата веќе два пати била во станот…Им пратив една снимка, како спие на столица. Им реков дека халуцинира, дека не е спиен 3-4 дена и дека не знае каде е“, рече тој.
Адвокатот на Ѓорчевски, Владимир Туфегџиќ по рочиштето изјави дека се што кажал Трајковски е во корист на неговиот клиент и дека конечно се слушнала целата вистина.
Следното рочиште е на 14. февруари.
ПОВРЗАНИ ВЕСТИ