Косовскиот премиер Албин Курти живее под кирија во стан за кој плаќал 350 евра месечно, покажуваат податоците на косовската Агенција за борба против корупцијата.
Интересно е дека неговата сопруга има стан вреден 530 илјади евра.
Таа и заработува повеќе од него. Неговата годишна плата како премиер е 21.315 евра, а на неговата сопруга – 51.000 евра.
И неговата сопруга и неговата ќерка штедат повеќе од Курти.
Тој на банкарската сметка имал 16 евра и 41 цент, неговата сопруга имала заштеда од 19.500 евра, кои биле од нејзината плата и наследство, а ќерка му пак имала заштеда од 2.000 евра, како и сметка со 50 евра.
Неговата сопруга има и кредит од 160.000 евра.
Фото: Влада
