Од вечерва на полноќ, цената на бензините Еуросупер БС-95 и Еуросупер БС-98, се зголемува за половина денар, одлучи денеска Регулаторната комисија за енергетика, водни услуги и услуги за управување со комунален отпад (РКЕ).
Новата цена на бензинот Еуросупер БС-95 ќе изнесува 87,50 денари за литар, а на Еуросупер БС-98, 89,50 денари за литар.
Цената на Еуродизелот БС (Д-Е V) останува иста – 92 денари за литар.
За половина денар се зголемува и цената на Екстра лесното масло за домаќинство (ЕЛ-1) и тоа ќе се продава за 94 денари за литар.
Цената на мазутот се зголемува за 0,330 денари и новата цена ќе изнесува 51,144 денари за килограм.
Фото: Унсплеш
