Вчера на граничниот премин со Албанија, Ќафасан, еден час биле задржани тројца македонски функционери, кадри на владејачката Вреди.
Ним поради сопатник во друго возило, не им бил дозволен влез, па се вратиле во Македонија.
Станува збор за координаторот на пратеничката група на Вреди, Беким Ќоку, пратеникот на Вреди, Аднан Азизи и заменик-генералниот секретар на Владата, Хасим Муртезани.
Информацијата ја потврдија од партијата, од каде велат дека и покрај тоа што покажале дипломатски пасоши, биле задржани на границата без никакво објаснување.
Од таму велат дека според информациите што неофицијално ги соопштила граничната полиција, против нив постои забрана за влез во Албанија.
Сепак, не им била соопштена никаква одлука, документ или оправдување за тоа.
Вреди бара од властите на Албанија да ја информираат јавноста дали навистина постои таква мерка.
Доколку е така, од таму бараат одговор кој ја донел таа одлука, врз која законска основа се темели истата и кои се конкретните причини за таквата акција против избраните функционери и институционалните претставници.
Фото: Влада
